girls night out

paminsan-minsan lang naman nangyayari na lumalabas kaming mga babae, lalo na sa gabi. normally lang, pag nag go-golf ang mga lalaki sa umaga, kami naman ay magjog o mag-taebo sa bahay o kaya stay lang sa beach.

but last saturday, napag-isipan naman lumabas ng mga babae. at dahil maaga ang golf ng mga boys, ayaw nilang sumama. nandito kasi ngayon si vice ganda, isa sa mga stand-up comedians sa punchline sa pinas. twice na nga namin napanood tong si vice sa punchline. kaya nung nabalitaan naming nandito sya, gusto naming manood.

hulaan nyo kung saan ang show nya.... taraaannn... sa ALINDOG! o di ba, pangalan pa lang, bastusin na ang dating... alindog is a bar/karaoke lounge here. maraming pinoy ang dumadayo dito. madalas din meron silang guest galing sa pilipinas. recently, si ynez veneracio at si isabel granada nandun. madalas mga sexy starlet ang pumupunta. minsan lang may bading na komedyante.

kung tutuusin, kung sa pinas, di mo ko mapapapasok sa mga bar tulad ng alindog... pero dito, since kokonti lang naman ang choices, nakakapunta din kami dun paminsan-minsan. pero huli kong punta dun, siguro mga 2001 pa. hahaha pero ang tanda ko, magaling talaga yung banda nila dun.

anyway, balik kay vice. walang patumanggang pagpapatawa na naman syempre. di rin maiiwasan na may audience na nalait. pero parte yon ng kanilang pagpapatawa. buti na lang at hindi pikon ang mga tao. ang nakakatawa pa, umikot sya sa audience, may dalang 'koleksyon' basket at nanghingi ng mga tip. sabi pa nung 2 nyang kasamang bakla, kumpletuhin na daw at kakanta sila ng kordero.. hahaha

pero kaloka ha. ang entrance $10. nung tanungin namin sa harap, consummable daw. pero nung umoorder na kami, hindi daw consummable. ang gulo nila ha. anyway, enjoy naman kahit papaano. pero sandali lang din kami. dahil naghihintay na ang mga bebe.